Отандық телевизияның контенті мен сапасын күшейту керек – Балаева

21 Қаңтар 2021, 17:42
1697
Бөлісу:
Отандық телевизияның контенті мен сапасын күшейту керек – Балаева

Нұр-Сұлтан, BAQ.KZ. Жас режиссерлер қазақстандық телевизияда бірегей контент жасауға шақырылды, деп хабарлады АҚДМ баспасөз қызметі.

Бүгін, 21 қаңтарда Ақпарат және қоғамдық даму министрі Аида Балаеваның қазақстандық телевизияда отандық контентті дамыту бойынша жас режиссерлермен кездесуі өтті.

Аида Балаева жастарға министрліктің қазақстандық телевизиядағы сапалы контентті дамыту бойынша, оның ішінде қоғамды мазалайтын және ерекше идеологиялық маңызы бар өзекті тақырыптарға арналған сериалдар, деректі фильмдер, арнайы бағдарламалар жасау бойынша жүргізіп жатқан жұмыстары туралы айтты.

Біздің министрлік мемлекеттік тапсырыстың және мемлекеттік ақпараттық тапсырыс шеңберінде жыл сайын елуге жуық телехикаяның түсірілімін қамтамасыз етеді; ал деректі фильмдердің саны жүзден асады. Олардың кейбіреулері көрермендер арасында танымал болса, көпшілігінің сапасы, өкінішке қарай, сын көтермейді. Отандық телевизияның контенті мен сапасын күшейту керек, - деді министр.

Сонымен қатар министр ведомствоның алдағы 2022 жылы түсіретін телесериалдар мен деректі фильмдерінің үздік сценарийлерін дайындауға байқау жариялап жатқанын атап өтті. 

Оның негізгі тақырыптары министрліктің сайтында жарияланатын тақырыптық жоспарлар тізімінде көрсетілген, - деді Аида Балаева.

Жалпы министрмен кездесуге отандық қызықты жобаларды құруда тәжірибесі бар 29 жас режиссер қатысты. Аида Балаева жас режиссерлерді дәл осы 2021 жылы министрлікке және мемлекеттік телеарналарға сериалдар мен фильмдердің жаңа сценарийлерін ұсынуға шақырды.

Іс-шараға қатысушылар министрлікке қазақстандық телевизияда ерекше, қызықты және сапалы контент құруда жаңа жобалар ұсынуға ниеттері мен дайындықтарын білдірді.  

Өзгелердің жаңалығы