Ормуз бұғазындағы қауіп күшейді: БҰҰ эвакуация жоспарын тоқтатты

БҰҰ Ормуз бұғазы арқылы кемелерді эвакуациялау бағдарламасын уақытша тоқтатты. 

Бұған себеп – Ever Lovely жүк кемесіне Оман шығанағында жасалған болжамды шабуыл. Алдын ала мәлімет бойынша, кеме дронмен соққыға ұшыраған болуы мүмкін, бірақ шабуылды кім жасағаны ресми түрде расталмаған. 

IMO бас хатшысы Арсения Домингес қауіпсіздік кепілдіктерін қайта тексеру үшін эвакуация жоспарының іске асырылуын уақытша тоқтату туралы шешім қабылдағанын мәлімдеді. 

Шабуылға ұшыраған кеме IMO-ның эвакуация бағдарламасына кірмеген. 

Бағдарлама 23 маусымда басталған болатын. Оның мақсаты – Парсы шығанағында қалып қойған жүздеген кеме мен мыңдаған теңізшіні Ормуз бұғазы арқылы қауіпсіз алып шығу еді. Бағдарлама тоқтатылғанға дейін шамамен 57 кеме және 1100-ге жуық теңізші қауіпсіз өткен.