Назарбаев Зияткерлік мектебінің оқушысы Арнелла Төлеген пәндік – тілдік интеграцияланған оқыту үшін ағылшын сөздерін есте сақтауға арналған мобильді қосымша әзірледі, деп хабарлайды BAQ.KZ.
Арнелла тоғызыншы сыныпта оқиды. Ол мобильді қосымшаны жасау үшін бір жылға жуық жұмыс істеді. Жақында мектеп оқушысы ғылыми жобалар байқауының желілік кезеңінде өз әзірленімін ұсынды.
Қолданба студенттерге физика, химия, биология, информатика бойынша ағылшын терминдерін қайталауға көмектеседі. Енді біз оны жақсарту және App Store-да орналастыру үшін қосымшаны сынақтан өткізуді жоспарлап отырмыз, – дейді Арнелла.
Биылғы байқауға Қарағанды NIS оқушылары 42 жоба ұсынды.
Тағы бір тоғызыншы сынып оқушысы – Амели Кажибекова – физика мен биологияны интеграцияланған зерттеу жобасын жасады.
Менің жобам физика мен биологияны интеграцияланған зерттеуге – есептер жинағын жасауға арналған. Ол екі жаратылыстану ғылымдарын біріктіру арқылы оқушылардың оқу тиімділігінің пайызын арттыруға бағытталған, – деп бөлісті оқушы.
Ғылыми жобалар байқауы екі турда өтеді: 17–22 қазан аралығында-онлайн-кезең; күзгі демалыста – нақты режимде Алматы мен Астанада.
Байқауға еліміздің барлық облыстарынан барлығы 16 секция бойынша 800-ден астам оқушыдан 550-ге жуық жоба ұсынылды.
