ОПЕК+ елдері мұнай өндірісінің қазіргі көлемін ұлғайту туралы шешім қабылдады

ОПЕК+ елдері мұнай өндірісінің қазіргі көлемін ұлғайту туралы шешім қабылдады
524

Нұр-Сұлтан, BAQ.KZ. 30 маусымда ОПЕК+ келісіміне қатысушы елдердің министрлік отырысы бейнеконференция форматында өтті.  Отырысқа Қазақстан атынан Энергетика вице-министрі Әсет Мағауов қатысты, деп хабарлайды ҚР ЭМ баспасөз қызметі. 

Отырыс барысында мамыр айында елдердің келісім бойынша міндеттемелерін орындауы талқыланды. 

Отырыс қорытындысы бойынша ОПЕК+ елдерінің ағымдағы өндіру деңгейін тамыз айына тәулігіне 0,648 млн баррельге ұлғайтуды жалғастыру туралы шешім қабылданды. 

Қазақстанның тамыз айындағы міндеттемелері тәулігіне 1,706 млн баррельді құрайды.


Фото: дереккөз