Нұр-Сұлтан, BAQ.KZ. Nur Otan партиясының өкілдері Ақмола облысына келді.
Партия мүшелері Көкшетау қаласында жас мамандармен және «Серпін» мемлекеттік бағдарламасының қатысушыларымен бірге жастардың өз қабілеттерін іске асыруына жағдай жасау, сапалы білімге қол жеткізуді қамтамасыз ету, бос уақытты тиімді өткізу мен жұмысқа орналастыру мәселелерін талқылады.
Партия төрағасының бірінші орынбасары Бауыржан Байбек студенттердің шәкіртақысын 2 есе, магистранттар мен докторанттардың стипендиясын – 1,5 есе көтеру, колледждер мен университеттер жатақханаларында кемінде 50 мың жаңа орын енгізу көзделіп жатқанын айтты.
