Бас жаңалықтар
Токио-2020: XXXII Жазғы Олимпиада ойындары тікелей эфирде көрсетіледі
23 Шілде 2021, 16:17 434

Токио-2020: XXXII Жазғы Олимпиада ойындары тікелей эфирде көрсетіледі

Нұр-Сұлтан, BAQ.KZ. XXXII Жазғы Олимпиада ойындарының трансляциясына қатысты жапониялық «Dentsu Inc.» компаниясымен келіссөздер нәтижелі аяқталды. 

«Қазақстан» телерадиокорпорациясы мен «Хабар» агенттігі» АҚ  ел аумағында Токио Олимпиадасын және 2022 жылғы Пекинде өтетін Қысқы Олимпиада ойындарын көрсету құқығын иеленді. Келісімшарт қорытындысы бойынша трансляция құнын қолайлы бағада сатып алу туралы ортақ мәмілеге қол жеткізліді.

Қазақстандықтар 23 шілде мен 8 тамыз аралығында Токиода өтетін Жазғы Олимпиада ойындарын «Qazaqstan», «Qazsport» және «Хабар» телеарналарынан тікелей эфирде көре алады. Әлемдік сайыста Қазақстан құрамасынан спорттың 27 түрі бойынша 96 спортшы бақ сынайды.  

Телеарналардағы олимпиадалық жарыстар кестесі қосымша жарияланады.


Фото: ашық дереккөз
Загрузка...