Бас жаңалықтар
ТЖМ қатты ыстықта далаға шықпауға кеңес берді
23 Шілде 2021, 15:48 359

ТЖМ қатты ыстықта далаға шықпауға кеңес берді

Нұр-Сұлтан, BAQ.KZ. ТЖМ азаматтарды қатты ыстықта қажеттілік болмаған жағдайда далаға шықпауға кеңес береді. Бұл туралы министрліктің баспасөз қызметі ақпарат таратты.

«Қазгидромет» РМК деректері бойынша еліміздің бірқатар өңірінде таяу күндері қатты ыстық күтіледі делінген хабарламада.

24 шілде күні күндіз Нұр-Сұлтан қаласында 35 градус қатты ыстық күтіледі.

24 шілде күні күндіз Ақмола облысында 35-37 градус қатты ыстық сақталады, облыстың батысында 40 градус қатты ыстық күтіледі. Төтенше өрт қаупі сақталады.

24-25 шілдеде күндіз Қарағанды облысының оңтүстігінде 40 градус қатты ыстық күтіледі. Кей жерде төтенше өрт қаупі сақталады.

Күндіз 24-26 шілдеде Жамбыл облысының кей жерінде 44 градус қатты ыстық күтіледі. Төтенше өрт қаупі сақталады.

25 шілдеде күндіз Алматы, Павлодар, Шығыс Қазақстан облыстарының кей жерінде 40-42 градус қатты ыстық күтіледі. Кей жерде төтенше өрт қаупі сақталады.

25 шілдеде күндіз Түркістан, Қызылорда облыстарының кей жерінде 46 градус қатты ыстық күтіледі. Төтенше өрт қаупі сақталады.

25-27 шілдеде күндіз Маңғыстау облысында 44 градус қатты ыстық күтіледі.

Төтенше жағдайлар министрлігі ыстықтан сақтану үшін азаматтарды аса қажеттілік болмаған жағдайда далаға шықпауға кеңес береді, сондай-ақ:

- ағзаны сусызданудан қорғау үшін көп су, күніне кемінде 1,5-3 литр сұйықтық ішу керек;

- аптап ыстықта кез келген физикалық белсенділіктен бас тартыңыз;

- күндіз күн сәулесі бөлмеге кірмеуі үшін терезелерді ашық реңкті перделермен жабыңыз;

- күн өтпес үшін бас киім, ашық ауа өткізетін киім (мақтадан жасалған) киіңіз. Ыстық ауа райында балаларға ерекше назар аударып, сақ болыңыз.

Сонымен қатар азаматтарды дала және орман алқаптарында болған кезде қауіпсіздік қағидаларына сақтауға шақырамыз. Табиғи өрттердің орын алуының негізгі себептері – халықтың отты абайсыз пайдалануы, сөндірілмеген темекі, алау, жанған сіріңке, майлы немесе тозығы жеткен шүберек, шыны бөтелке, көлік құралының сөндіргішінен ұшқыны, құрғақ шөптің жағу, найзағай.


Фото: ашық дереккөз
Загрузка...