Бас жаңалықтар
Тоқаевқа елімізді қорғау жоспарларын жүзеге асыру жөнінде баяндалды
18 Сәуiр 2019, 12:40 533

Тоқаевқа елімізді қорғау жоспарларын жүзеге асыру жөнінде баяндалды

Нұр-Сұлтан, BAQ.KZ. Мемлекет басшысы Қасым-Жомарт Тоқаев Қорғаныс министрінің бірінші орынбасары – Қазақстан Республикасы Қарулы Күштері Бас штабының бастығы Мұрат Бектановты қабылдады.

Ақорданың баспасөз қызметінің мәліметінше, Мемлекет басшысына Қазақстан Республикасы Қарулы Күштерінің әскери дайындығының жағдайы және елімізді қорғау жоспарларын жүзеге асыру жөніндегі Бас штабтың жүргізіп жатқан жұмысы туралы баяндалды.

"Қасым-Жомарт Тоқаев әскери қауіп тудыруы мүмкін жағдайларды талдау жұмыстарын күшейту, Қарулы Күштерді одан әрі дамытудың концептуалды жолдарын әзірлеу қажеттігін айтты", - делінген хабарламада.

Сонымен қатар, Мұрат Бектанов Қазақстан Президентіне осы күндері өтіп жатқан "Айбалта-2019" стратегиялық командалық-штабтық оқу-жаттығу туралы баяндады.

Соңында Мемлекет басшысы әскери саясат саласындағы мемлекеттік органдардың жұмыстарын үйлестіру, әскери тәртіп деңгейін күшейту, сондай-ақ, өтіп жатқан оқу-жаттығу кезінде қауіпсіздікті қамтамасыз ету жөнінде бірқатар тапсырма берді.


Загрузка...

Сізден жаңалық