Теңіз кен орнына қосымша 8 маман жіберілді

4 Желтоқсан 2020, 15:18
1855
Бөлісу:
Теңіз кен орнына қосымша 8 маман жіберілді

Нұр-Сұлтан, BAQ.KZ. Денсаулық сақтау басқармасы Теңіз кенішінің стационарында науқастар санының артуына байланысты қосымша мамандар жіберуге шешім қабылдады.

Бұл туралы Атырау облыстық Денсаулық сақтау басқармасының баспасөз қызметі хабарлады.

Теңіз кен орнындағы  315 орындық инфекциялық стационарда 15 маман жұмыс істеуде. Бүгінгі күні мұнда 111 науқас ем қабылдауда. Осылайша стационар жүктемесі 35,2 пайызды құрап отыр. Соған  сәйкес,  Денсаулық сақтау басқармасы бүгін Теңіз кен орнына қосымша 8 маманды жіберуге шешім қабылдады. Оның ішінде 2 дәрігер, 2 мейіргер және 4 санитар бар, - делінген хабарламада.

Айта кетейік, қараша айынан бастап Теңіз кен орнында коронавирус инфекциясын жұқтырған 140 жағдай тіркелді. Оның 71-і соңғы 4 тәулікте тіркеліп отыр.

Қазір Атырау облысы коронавирус індетінің таралуы бойынша сары аймаққа өтті.

Өзгелердің жаңалығы