Бас жаңалықтар
Қостанай Мақтааралға 20 тонна ұн жеткізді
18 Мамыр 2020, 14:59 125

Қостанай Мақтааралға 20 тонна ұн жеткізді

Нұр-Сұлтан, BAQ.KZ. Түркістан облысы Мақтаарал ауданындағы топан суға байланысты Қостанай облысының тұрғындары да елмен игі істі жалғастырды.

"Birgemiz" акциясы аясында "Nur Otan" партиясының Қостанай облыстық филиалы жергілікті "Salamat" және "Атамекен-Дос" ЖШС қолдауымен топан судан зардап шеккен азаматтарға 20 тонна гуманитарлық көмек жіберді, деп хабарлайды Түркістан облысының Өңірлік коммуникациялар қызметі.

Партия белсенділері мен волонтерлері бірлесе жинаған көмек тиелген жүк көлігі үш күн жол жүріп, Атакенттегі орталық қоймаға жетті.

Гуманитарлық көмек тиелген жүк көлігін "Nur Otan" партиясы Қостанай облыстық филиалы төрағасының бірінші орынбасары Эльдар Күзенбаев шығарып салған болатын.

Солтүстіктегі ағайынның ыстық ықыласы мен сәлемдемесін әкелген азаматтар қостанайлықтардың мақтааралдықтармен бірге екенін жеткізді.


Фото: дереккөз
Загрузка...