Нұр-Сұлтан, BAQ.KZ. «Қазгидромет» РМК 25-27 маусымға арналған ауа райы болжамын жариялады.
Синоптиктердің болжамы бойынша, кәдімгідей жаз айы басталды. Республиканың оңтүстігінде ыстық және жауын-шашынсыз ауа райы күтіледі, оған Иран аймағынан түсетін жылы ауа себеп болады.
Алдағы үш тәулікте күндізгі температура 30…35°С, кей жерлерде 37…40°С дейін күтіледі, қиыр оңтүстікте плюс 44°С дейін болжанады.
Қазақстанның солтүстік жартысына қысқа мерзімге температураның жоғарылауы мен жауын-шашынның тоқтатылуынан кейін, Ресейдің Еуропалық территориясының солтүстік аймағынан суық атмосфералық фронт жылжыйды. Онымен алдағы күндері жаңбыр, кей жерде қатты, найзағай, екпінді жел және ауа температурасының төмендеуі күтіледі.
