Нұр-Сұлтан, BAQ.KZ. Бүгін Абу-Дабиде UFC on ESPN 20 турнирінде Arlan MMA Pro командасының өкілі, қазақстандық файтер Сергей Морозов (16-4) UFC-дегі алғашқы кездесуін өткізеді.
Оның қарсыласы – ресейлік Умар Нурмагомедов. Жеңіл салмақ дәрежесіндегі бұл жекпе-жек UFC on ESPN 20 турнирінің алғашқы кардындағы екінші кездесу болады.
Морозов пен Нурмагомедов арасындағы жекпе-жек мөлшермен Нұр-Сұлтан уақытымен сағат 20:30-да басталады. Алғашқы кардтағы кездесулер 20:00-де басталады.
Ал басты кард кездесулері Нұр-Сұлтан уақытымен 21:00-де басталады. UFC on ESPN 20 турнирінің тікелей трансляциясы 20 қаңтарда қол жетімді болады.
Айта кетейік, 19 қаңтарда Сергей Морозов пен Умар Нурмагомедовтің Абу-Дабидегі турнир алдында ресми салмақ өлшеу рәсімінен сәтті өтті.
Турнирдің басты жекпе-жегінде компанияның екі ардагері Майкл Кьеза мен Нил Магни кездеседі. Екі тәжірибелі файтердің жекпе-жегі жартылай орта салмақта (77 келі) өтеді.
