Бас жаңалықтар
Митинг өткізу үшін әкімдіктен  рұқсат сұрамайды – Саиров
20 Желтоқсан 2019, 14:11 1605

Митинг өткізу үшін әкімдіктен рұқсат сұрамайды – Саиров

Нұр-Сұлтан, BAQ.KZ тілшісі. Енді қазақстандықтарға митинг өткізу үшін жергілікті билік органдарынан арнайы рұқсат алудың қажеті жоқ. Бұл өзгеріс – ҚР президенті жанындағы Ұлттық қоғамдық сенім кеңесінің атқарған жұмысының нәтижесі.

Біздің еліміздегі саяси реформаның басы басталды деп айтуға болады. Парламенттік оппозиция жөнінде жаңа норма енеді. Бұл – біздің еліміздің саяси ландшафтын өзгертетін  үлкен шешім. Өйткені, Парламентті, сонымен қатар жергілікті мәслихаттарда балама ой, балама бағдарламаларға жол береді. Екінші өте үлкен шешім – митинг туралы жаңа заң. Қазақстанда еуропалық стандарттар енгізіледі. Митингтерді өткізу үшін бұрындары сияқты әкімдіктерден  рұқсат сұралмайды. Митинг өткізушілер шара өтетін жердегі мемлекеттік органдарға хабарлама беретін болады, - деді саясаттанушы Ерлан Саиров Ұлттық қоғамдық сенім кеңесінің отырысынан кейін кулуарда.

Сарапшы адам құқығы жөнінде 130 және 174 бапқа өзгерістер енгізілетінін айтып, өзгеріс еліміздің имиджін халықаралық аренада оң ықпал ететінін жеткізді.

Осы екі бап та өзгереді. Осы мәселелердің барлығы саяси либерализацияның жүзеге асырылып келе жатқанының куәсі. Қылмыстықтан әкімшілік іске ауысуды қоғам оң қабылдайды деп ойлаймын. Себебі, халықаралық деңгейде де бұл мәселе туғызған болатын. Ол Қазақстан имиджін халықаралық аренада да көтеретін болады, - деді ол.
Естеріңізге сала кетейік, бүгін Нұр-Сұлтанда Ұлттық қоғамдық сенім кеңесінің отырысы өтіп жатыр. Сонымен қатар, Қазақстан президенті Қасым-Жомарт Тоқаев Ұлттық қоғамдық сенім кеңесінің ІІ отырысында ең алдымен халықтың мұң-мұқтажына құлақ түру керек екенін айтты. Сондай-ақ, мемлекет басшысы Қасым-Жомарт Тоқаевауыл шаруашылығына қажетті жерді игермей жатқан азаматтардың жерін қайтарып алу үшін тиісті сот процесін әзірлеуді тапсырды. Сонымен қатар, Қазақстан президенті Қасым-Жомарт Тоқаев Ұлттық қоғамдық сенім кеңесінің ІІ отырысында Қылмыстық кодекстің 130-бабын Әкімшілік кодекске ауыстыруды тапсырды. Кеңесте Қазақстан президенті Қасым-Жомарт Тоқаев Ұлттық қоғамдық сенім кеңесінің ІІ отырысында митинг ұйымдастыру кезінде хабардар ету қағидасын енгізуді қолдайтынын айтты.

Фото: ашық дереккөз
Загрузка...