Алматы, BAQ.KZ. Қырғызстанның оңтүстігінде сел жүріп, кемі алты адам қаза тапты. Бұл туралы ТАСС хабарлады.
Сел Ақсый ауданындағы Ақ-Жол ауылдық округінде жүрген. Қырғызстан ТЖМ өкілінің мәліметінше, куәгерлер сел сегіз адамды ағызып әкеткенін көрген. Әзірге құтқарушылар алты адамның мүрдесін тапқан. Тағы екі адам іздестірілуде.
Құтқару-іздеу жұмыстарына ТЖМ мен ондаған жергілікті тұрғын тартылған.
