Көкшетаулықты сабаған күдікті ұсталды

Көкшетаулықты сабаған күдікті ұсталды
780

Нұр-Сұлтан, BAQ.KZ. Полиция қызметкерлері жедел-іздестіру іс-шаралары барысында облыс орталығының тұрғынына дене жарақатын салған күдіктілерді анықтады.

Көкшетау қаласының Полиция басқармасына жергілікті тұрғын хабарласып, 6 қаңтарда сағат 23.00 шамасында сауда үйлерінің бірінің жанында белгісіз адамдар оған еш себепсіз дене жарақатын салғаны туралы хабарлады. Ер адам ауруханаға жүгінді. Аталған факті бойынша Қылмыстық кодекстің 293-бабының 2-бөлігі (Бұзақылық) бойынша сотқа дейінгі іс жүргізу басталды - делінген ІІМ таратқан ақпаратта.

Жедел-іздестіру шаралары барысында көкшетаулық жедел уәкілдер бұзақылық әрекеттер жасаған күдіктілердің бірін анықтады. Ол Көкшетау қаласының 23 жастағы тұрғыны болып шықты. Оқиға болған екінші адамның орналасқан жері анықталуда.

Қысқа да нұсқа. Жазылыңыз telegram - ға
Өзгелердің жаңалығы