Қазақстанның басым бөлігінде күн суытады
02 Қараша 2021, 08:20 207

Қазақстанның басым бөлігінде күн суытады

Нұр-Сұлтан, BAQ.KZ. 2-3 қарашада атмосфералық фронттардың өтуімен, Қазақстанның басым бөлігінде тұрақсыз ауа-райы күтіледі деп хабарлады «Қазгидромет» РМК.


Жауын-шашынның соңы қарға ұласып, екпінді жел тұрып, тұман, көктайғақ, төмен бұрқасын болады.

3-4 қарашада оңтүстік, оңтүстік-шығыс аймақтарда қатты жауын-шашын болжанады.

Суық солтүстік-батыс антициклонның енуімен жауын-шашынның біртіндеп тоқтауы және ауа температурасының едәуір төмендеуі күтіледі, солтүстік-батыста түнгі температура 5...15 аязға дейін, солтүстікте, орталықта, шығыста 10...20 аязға дейін, оңтүстікте 3...13 аязға дейін, оңтүстік-шығыста 7-16 аязға дейін төмендейді.

Тек Қазақстанның батысында ғана жауын-шашынсыз ауа-райы болжанады.


Фото: ашық дереккөз
Загрузка...