Бас жаңалықтар
Бір апта ішінде эпидемиологиялық жағдай жақсарды - Цой
20 Сәуiр 2021, 09:31 1146

Бір апта ішінде эпидемиологиялық жағдай жақсарды - Цой

Нұр-Сұлтан, BAQ.KZ тілшісі. ҚР Денсаулық сақтау министрі Алексей Цой Үкімет отырысында елдегі эпидемиологиялық жағдай туралы баяндады.

Бүгінгі күні әлемде 140 млн-нан астам коронавирус инфекциясының жағдайы тіркелді. Күніне 700 мыңнан астам жағдай тіркеліп жатыр. 3 млн-нан аса адам қайтыс болды. Өлім көрсеткіші 2,1%-ды құрап отыр. ДДСҰ-ның 5-6 аймағында науқастардың саны өскені байқалады, - деді министр.
Оның сөзінше, әлем рейтингінде Қазақстан науқас жұқтыру көрсеткіші бойынша 221 елдің ішінде 110-орында тұр. Ал өлім көрсеткішісі бойынша 107-орында.

Бүгінгі күні Қазақстанда 292 250 ПТР тестінің оң (+) нәтижесі бойынша және 51 890 теріс (+) нәтижесі бар науқас тіркелді.

Эпидемиологиялық жағдайды бағалау матрицасына сәйкес 22 күн бойы республика «қызыл аймақта» тұр. Сонымен қатар 8 аймақ (Нұр-Сұлтан, Алматы, Шымкент қалалары және БҚО, Ақтөбе, Қарағанды, Атырау, Ақмола облыстары) «қызыл аймақта» тұр. «Жасыл аймақта» Түркістан мен Қостанай облыстары, сондай-ақ қалған аймақтар «сары аймақта» орналасқан, - деп айтты Цой Үкіметте.

Министр наурызда елдегі жағдай нашарлай бастағанын жеткізді.

Наурыздың аяғынан бастап эпидемиологиялық жағдайдың нашарлауы байқалады, ол кезде апталық вирус жұқтыру алдыңғы аптамен салыстырғанда 46%-ға өсті. Алайда осы аптада алдыңғы аптамен салыстырғанда апталық сырқаттанудың өсу қарқынының өткен аптада 46%-дан 6%-ға дейін төмендеу үрдісі байқалады. Өткен аптада өлім-жітімнің өсуі алдыңғы аптаға қарағанда 22%-дан 8%-ға дейін төмендеді, - деп түсіндірді Денсаулық сақтау министрі.


Фото: дереккөз
Загрузка...
// (function (d, w, c) {(w[c] = w[c] || []).push(function () {try {w.yaCounter34776245 = new Ya.Metrika({id: 34776245,clickmap: true,trackLinks: true,accurateTrackBounce: true,webvisor: true,trackHash: true});} catch (e) {}});var n = d.getElementsByTagName("script")[0],s = d.createElement("script"),f = function () {n.parentNode.insertBefore(s, n);};s.type = "text/javascript";s.async = true;s.src = "https://mc.yandex.ru/metrika/watch.js";if (w.opera == "[object Opera]") {d.addEventListener("DOMContentLoaded", f, false);}else {f();}})(document, window, "yandex_metrika_callbacks");//