Бас жаңалықтар
Франция елшісі Қазақстандағы дипломатиялық миссиясын аяқтады
23 Қыркүйек 2020, 14:25 199

Франция елшісі Қазақстандағы дипломатиялық миссиясын аяқтады

Нұр-Сұлтан, BAQ.KZ. Сыртқы істер министрі Мұхтар Тілеуберді Францияның Қазақстандағы елшісі Филипп Мартинэні еліміздегі дипломатиялық миссиясының аяқталуына байланысты қабылдады, деп хабарлады министрліктің баспасөз қызметі.

Тараптар Қазақстан мен Франция арасындағы қарым-қатынастардың күн тәртібінде тұрған өзекті мәселелермен, сондай-ақ, алдағы уақытта екіжақты және көпжақты форматтағы өзара іс-қимыл жөніндегі пікірлермен алмасты.

Дипломаттар тараптардың жан-жақты өзара тиімді ынтымақтастықты тереңдетуге өзара ынталарын атап өтті.

Кездесу соңында сыртқы саяси ведомствосының басшысы Ф.Мартинэге екі ел арасындағы саяси, экономикалық және мәдени-гуманитарлық байланыстарды нығайтуға қосқан үлесі үшін Құрмет грамотасын табыс етті.




Фото: дереккөз
Загрузка...