Бас жаңалықтар
Елордада антитеррорлық жаттығуларға байланысты жолдардың бір бөлігі жабылады
09 Қазан 2021, 12:10 3243

Елордада антитеррорлық жаттығуларға байланысты жолдардың бір бөлігі жабылады

Нұр-Сұлтан, BAQ.KZ. Елорданың терроризммен күрес жөніндегі жедел штабы №29 орта мектеп аумағында терроризмге қарсы жоспарлы жаттығу өткізеді. Бұл туралы zakon.kz хабарлады. 

2021 жылдың 9 қазанында 8:00-ден 13:00-ге дейін терроризмге қарсы күрес жөніндегі қалалық жедел штаб нөмірі 29 орта мектептің аумағында «Нұр-Сұлтан-Антитеррор-2021» жоспарлы антитеррорлық оқу-жаттығу жиынын өткізеді,- делінген хабарламада.

Іс -шараның мақсаты - білім беру ұйымдарында терроризм актісін жою бойынша практикалық дағдыларды қолдану. 

Осы шараға байланысты №29 орта мектеп аймағындағы көлік қозғалысы тоқтатылатыны айтылды.

Осыған байланысты, біз азаматтарды өткізілетін оқу-жаттығу іс -шараларына түсіністікпен қарауға, қауіпсіздік шараларын сақтауға және мемлекеттік органдар қызметкерлерінің талаптарын орындауға шақырамыз, - деп хабарлады штабтың баспасөз қызметі.


Фото: ашық дереккөз
Загрузка...