Бас жаңалықтар
Елордада 11 батуттың жұмысы тоқтатылды
28 Мамыр 2019, 10:13 472

Елордада 11 батуттың жұмысы тоқтатылды

Нұр-Сұлтан, BAQ.KZ. Қалалық әкімдіктің Төтенше жағдайлар департаменті және аудандық әкімдіктерімен бірлесе отырып, балалардың жарақаттану және өлім-жітім оқиғаларының көбеюіне байланысты үрлемелі батуттардың жұмысын уақытша тоқтатуға бағытталған шараларды қабылдады. Бұл туралы елорда әкімдігінің ресми сайтында хабарланды.

Инвестиция және кәсіпкерлікті дамыту басқармасының хабарлауынша, Орталық, «Жетісу», «Жерұйық» және «Студенттік» саябақтарының әкімшілігі жүргізген жұмыстардың нәтижесінде жыл басынан 11 үрлемелі батут жұмысы тоқтатылды.

Қазіргі уақытта қала әкімдігі сауда, ойын-сауық орталықтары аумағында ойын-сауықтық нысандарды орнатуға рұқсат бермейді. Кәсіпкерлер сауда орталықтарында және басқа да жеке меншік объектілерде батуттарды екі кәсіпкерлік субъектісі арасында жалдау шарты негізінде орналастырады. Заңды тұлғаның жарғысында, атап айтқанда, сауда орталығының иесі аумақты жалдауды қамтамасыз етуі тиіс. Сондай-ақ, саябақ әкімшіліктері келісім-шарт бойынша жел секундына 10 метр жылдамдықпен соққанда, ауа райының тұрақтанғанына дейін батуттар және аттракциондар жұмысын тоқтатуы тиіс.

«Сонымен қатар, бүгінгі таңда Қазақстан Республикасы Индустрия және инфрақұрылымдық даму министрлігінің Өнеркәсіптік даму және өнеркәсіптік қауіпсіздік комитеті батуттардың және аттракциондардың қауіпсіздігін қамтамасыз ету ережесін әзірледі», - деп атап өтті инвестиция және кәсіпкерлікті дамыту басқармасы.


Фото: ашық дереккөз
Загрузка...