Нұр-Сұлтан, BAQ.KZ. Дариға Назарбаева ұлы Айсұлтанның қазасы туралы айтты.
Бұл туралы Нұрсұлтан Назарбаев қорының әлеуметтік желідегі парақшасында жарияланды.
Біздің отбасымыз сүйікті Айсұлтанымыздың дүниеден озғанына байланысты сарыла қайғыруда. Осы қаралы кезеңде халайық бұл орны толмас қазаға қатысты түсіністігі мен әдептілігін танытады деп сенеміз, – деп жазды Дариға Назарбаева.
Айта кетейік, Елбасы Нұрсұлтан Назарбаевтың жиені Айсұлтан Назарбаевтың Лондонда қайтыс болғандығы туралы жазған болатынбыз.
