Бас жаңалықтар
Биыл «Аралтұз» Қытай нарығына шығады
04 Мамыр 2019, 18:19 1698

Биыл «Аралтұз» Қытай нарығына шығады

Нұр-Сұлтан, BAQ.KZ. Өндіріс орны 23 өнім түрін шығарады. 2019 жылы «Аралтұз» өнімін Қытайға экспорттау жоспарланып отыр, деп хабарлады Қызылорда облысы әкімінің баспасөз қызметі.

2017 жылы Аралдың тұзы Әзірбайжан мен Грузияға экспорттала бастады. Сонымен қатар, 2018 жылы «Аралтұз» АҚ алғаш рет украин нарығына 462 тонна тұз жөнелтті. Ал 2019 жылы тауар көлемін Украинаға 3 есеге, ал ресейлік нарыққа жөнелтілетін өнім көлемін 20%-ға арттыру жоспарланған.
  
«Қазіргі таңда «Аралтұз» АҚ өз өнімінің 65%-ын шетелге шығарады, соңғы 3 жылда Ресей нарығының 13%-ын жаулап алса, Қырғызстандағы үлесі 50%-ды құрайды. 2017 жылы Аралдың тұзы Әзірбайжан мен Грузияға экспорттала бастады. Алдағы уақытта тауар өткізу нарығын кеңейтуді, ал 2019 жылдан бастап Қытай нарығына шығуды жоспарлап отырмыз», - деп мәлімдеді «Аралтұз» АҚ директорлар кеңесінің төрағасы Дәурен Мұқашев.

Индустрияландыру картасы аясында кәсіпорында тұз шығаратын испандық 2 цех іске қосылды. Зауыттың қайта жаңғыртылуы еңбек өнімділігін екі есеге арттырып, 1200-ден астам адамды жұмыспен қамтуға, қызметкерлердің жалақысын 60%-ға дейін арттырып, өнімнің өзіндік құнын
40%-ға төмендетуге мүмкіндік берді.

Үстіміздегі жылдың қаңтар айынан бастап Қазақстан Республикасы Тұңғыш Президентінің тапсырмаларын орындау мақсатында жұмысшылардың басым бөлігінің жалақысы 26%-ға артты.

Фото: ашық дереккөз
Загрузка...