Бас жаңалықтар
БҒМ шетелде оқитын қазақстандықтарға отандық ЖОО-ға ауысуға көмектеседі
12 Тамыз 2020, 16:11 146

БҒМ шетелде оқитын қазақстандықтарға отандық ЖОО-ға ауысуға көмектеседі

Нұр-Сұлтан, BAQ.KZ. Білім және ғылым министрлігі шетелде оқитын студенттерге еліміздегі жоғары оқу орындарына ауысу бойынша көмек көрсетуге дайын. Бұл туралы ведомствоның баспасөз қызметі хабарлады. 

Министрлік шетелдік жоғары оқу орындарына өз бетінше түскен және коронавирустық инфекция пандемиясына байланысты жоғары оқу орындарына оралу проблемасына тап болған қазақстандық студенттерге көмек көрсете бастады. 

Шетелдік ЖОО-ның көпшілігі студенттерін қашықтан оқытады. Алайда, кейбір оқу орындарында ондай мүмкіндік қарастырылмаған. Өздеріне байланысты емес себептермен оқуын жалғастыру үшін елден шыға алмайтын студенттерге министрлік отандық жоғары оқу орындарына ауысуға көмектесуге дайын. Бұл ретте құжаттарды рәсімдеу форматы жеңілдетіледі. Ол үшін университеттің виртуалды қабылдау комиссиясына жүгіну жеткілікті. Оқу орнына ауысу туралы өтініш онлайн-режимде қарастырылады, - делінген хабарламада. 

Осы санаттағы азаматтарды қолдау мақсатында министрлікте жедел желі (74-16-24) іске қосылды. Көрсетілген нөмір бойынша дүйсенбі мен жұма аралығында сағат 9:30-дан 18:30-ға дейін хабарласуға болады.




Фото: ашық дереккөз
Загрузка...