Бас жаңалықтар
Елордада әлеуметтік пәтер алушылар санаты кеңейтілді
23 Қыркүйек 2020, 14:58 133

Елордада әлеуметтік пәтер алушылар санаты кеңейтілді

Нұр-Сұлтан, BAQ.KZ. Нұр-Сұлтан қаласында ҚИК бағыты бойынша берілетін әлеуметтік пәтер алушылар санаты кеңейтілді. Енді олардың қатарына Төтенше жағдайлар департаментінің қызметкерлері де кіреді.  Бұл туралы Нұр-Сұлтан қаласының әкімі Алтай Көлгінов өзінің Инстаграмдағы парақшасында жазды.

Бұған дейін бұл тізімге әлеуметтік қызметкерлер, полицейлер, мәдениет және спорт мамандары енгізілген болатын.

Нұр-Сұлтан қаласы бойынша «Nur Otan» партиясының сайлауалды бағдарламасының негізіне 10 негізгі басым бағыт кірді. Бірінші тармақта жеңілдікпен қолжетімді баспанамен қамтамасыз ету бекітілген. Аталған мәселе бойынша ауқымды, жүйелі жұмыс атқарып жатырмыз, оның ішінде Тұрғын үй құрылыс жинақ банкі және Қазақстан ипотекалық компаниясымен де бірлесе жұмыс атқарудамыз. 

Біздің өрт сөндірушілер күн сайын ерлік жасайды – қала тұрғындарының өмірін құтқарады. Біз ҚИК-пен бірлесіп, әлеуметтік пәтер алатындар санатын кеңейттік, енді олардың қатарына Төтенше жағдайлар департаментінің қызметкерлері де кіреді. Бұған дейін бұл тізімге әлеуметтік қызметкерлер, полицейлер, мәдениет және спорт мамандарын да енгізген болатынбыз. Биыл жоғарыда аталған санаттардан өзге ҚИК бағыты бойынша берілетін 1 мың әлеуметтік пәтерге денсаулық сақтау мен білім беру саласының қызметкерлері де үміттене алады, - деп жазды қала әкімі.

Қала басшысының сөзінше, баспана сатып алуға тағы бір үлкен көмек – тұрғын үй сертификаттары. Оларды бастапқы жарна ретінде пайдалануға болады. Бұл бағыт бойынша да алушылар санатын кеңейттік. Егер бұрын тізімде тек толық емес отбасылар, көпбалалы жанұялар мен мүгедек бала тәрбиелеп отырған отбасылар болса, енді тізімге халықтың әлеуметтік осал топтарының барлық санаты кіреді. Мысалы, олар жетім балалар, 1 және 2 топтағы мүгедектер, зейнеткерлер, ардагерлер мен тағы басқалар. Тұрғын үй сертификаттары 1 млн теңге көлемінде беріледі, оларды «Шаңырақ» (5-10-20) жобасына қатысу үшін пайдалануға да болады.

Мемлекет басшысының тапсырмасымен биыл қолжетімді баспана құрылысының көлемі үш есе артты, - деп сөзін түйді Алтай Көлгінов.


Фото: дереккөз
Загрузка...