Бас жаңалықтар
11 қараша, сәрсенбі күнгі ауа райы болжамы
11 Қараша 2020, 07:45 205

11 қараша, сәрсенбі күнгі ауа райы болжамы

Нұр-Сұлтан, BAQ.KZ. 11 қарашада ел аумағының басым бөлігінде ауа райына Салехард аймағынан келетін циклон әсер етеді. Осыған байланысты тұрақсыз ауа райы сақталады, жауын-шашын (жаңбыр, қар) жауады, деп хабарлайды «Қазгидромет» РМК баспасөз қызметі.

Республиканың кей жерінде жел екпіні 25 м/с дейін күшейеді, тұман түседі, көктайғақ болып, жаяу бұрқасын соғады. Тек еліміздің оңтүстік-шығысында антициклон ықпалымен жауын-шашынсыз ауа райы сақталады.

Ақмола, Қостанай, Солтүстік Қазақстан, Шығыс Қазақстан облыстарының кей жерінде тұман, көктайғақ, жаяу бұрқасын болады, жел қарқыны - 15-20 м/с.

Ақмола, Шығыс Қазақстан облыстарында күндіз желдің екпіні 23 м/с жетеді.

Қарағанды облысының кей жерінде көктайғақ, жаяу бұрқасын күтіледі, жел жылдамдығы 25 м/с дейін күшейеді.

Ақтөбе, Батыс Қазақстан, Павлодар облыстарының кей жерінде тұман, көктайғақ күтіледі, Батыс Қазақстан, Павлодар облыстарында күндіз желдің күші15-20 м/с жетеді.

Жамбыл, Түркістан, Маңғыстау облыстарының кей жерінде тұман түседі, Жамбыл, Маңғыстау облыстарында жел қарқыны - 15-20 м/с.

Қызылорда облысының кей жерінде жел жылдамдығы 15-20 м/с дейін күшейеді.



Фото: ашық дереккөз
Загрузка...