Алматы, BAQ.KZ. Карлсруэ технология институты серіктестері Climeworks, Ineratec және Sunfire фирмаларымен бірге көмірқышқыл газы мен судан экологиялық отын өндіретін ықшам құрылғыны жасап шығарды. Бұл туралы thebabel.net хабарлады.
Қазір олардың ойлап тапқан қондырғылары күніне 10 литр отын өндіреді.
Карлсруэ алдағы екі-үш жылда тәулігіне 200-300 литр бензин өндіре алатын үлкен құрылғыны жасап шығармақ. Егер ол сәтті жұмыс істесе күніне 1500-2000 литр отын өндіретін күші бар мобильді қондырғыны жасап шығаруды жоспарлап отыр.
Болашақта біз электр қуатын жаңартылған көздерден өндіретін боламыз. Ең дұрысы оны сол жерде өндіріп, пайдалау,-дейді профессор Роланд Диттмайер.
