Астана, BAQ.KZ. Орталықтың міндеті - ерекше қажеттіліктері бар балалар мен жастардың мүмкіндіктерін барынша дамыту, оларды оңалту, қорғау және қоғамға кіріктіру, деп хабарлайды Астана қаласы әкімдігінің ресми сайты.
Астана қаласы әкімдігінің "Нұрлы жүрек" әлеуметтік қызмет көрсету орталығы 3-29 жас аралығындағы балалар мен жастарға стационар және жартылай стационар жағдайында қызмет көрсетуге арналған. Қазіргі уақытта орталықта 279 адамға қызмет көрсетіледі,оның ішінде 123 стационарда және 156 күндізгі бөлімде.
Олардың ішінде ауыр соматикалық бұзылулармен: церебральды салбен, эпилепсиямен, әртүрлі түрдегі көріністермен, хромосомалық аурулармен, аутизммен, олигофрениямен, ауыр сөйлеу бұзылыстары мен психикалық ауытқулары бар балалар, сондай-ақ психоневрологиялық патологиясы бар мүмкіндігі шектеулі жастар бар.
"Нұрлы жүрек" орталығы арнаулы әлеуметтік қызметтердің сегіз түрін көрсетеді: әлеуметтік-тұрмыстық, әлеуметтік-медициналық, әлеуметтік-психологиялық, әлеуметтік-еңбек, әлеуметтік-мәдени, әлеуметтік-экономикалық, әлеуметтік-құқықтық және әлеуметтік-педагогикалық.
Қызметтер бюджеттік негізде арнаулы әлеуметтік қызмет көрсету стандарттарына сәйкес, сондай-ақ шарт жасасумен ақылы негізде көрсетіледі.
Мекемеде әлеуметтік-педагогикалық қызмет көрсету үшін пәнаралық команда құрылды. Мұнда білікті мамандар жұмыс істейді: дәрігерлер, орта және кіші медициналық қызметкерлер, ЕДШ нұсқаушылары, дефектолог-мұғалімдер, логопедтер, психологтар, тәрбиешілер, әлеуметтік жұмыс жөніндегі мамандар.
Орталық сенсорлық бөлме, Монтессори бөлмесі, тігін және ағаш шеберханасы, лекотека, әлеуметтік-тұрмыстық бағдар бөлмесі, тренажер залы жабдықталған. Интерактивті тақта, Интернетке қол жетімділігі бар компьютерлік сыныптар сынды инновациялық технологиялар енгізілді.
Сонымен қатар БЦП ауыр түрлерімен балаларды оңалту үшін мамандандырылған бөлімше жұмыс істейді. Ол бассейн, ЕДШ залы, тренажер залы, гало-терапиямен жабдықталған.
Жетекші ақауға байланысты мамандар жеке түзету-дамыту сабақтарын жүргізеді. Сөйлеу дағдылары жоқ балаларды оқыту кезінде алгоритмдер әдістемесін (сөзді білдіретін сурет) қолдана бастады. Саралап оқыту және тәрбиелеу, оңалту және түзету үшін баланың жай-күйінің деңгейін анықтау үшін диагностикалық экрандар әзірленді.
Орталықта қызығушылық бойынша үйірме жұмыстары жүргізіледі, Бейімделген дене шынықтыру және спорт бойынша сабақтар ұйымдастырылды. Сонымен қатар, қызмет алушылар мәдени іс-шараларға қатысады, цирк пен театрларға барады.
