МСҚ: Елордалықтар бір айда 2,5 млрд теңге жарна аударды

9 Қараша 2020, 13:44
909
Бөлісу:
МСҚ: Елордалықтар бір айда 2,5 млрд теңге жарна аударды

Нұр-Сұлтан, BAQ.KZ. Елордада 2020 жылдың 1 қаңтары мен 31 қазаны аралығында медициналық сақтандыру үшін 21,9 млрд теңге түскен. 

Осы жылдың қазан айында 2,5 млрд теңге жарна аударды. Олардың қомақты бөлігі – 1,5 млрд теңге жұмыс берушілердің аударымдары, ал 920 млн теңгеге жуығы – жеке кәсіпкерлерден түскен жарналар, деп хабарлайды «Әлеуметтік медициналық сақтандыру қоры» КЕАҚ Нұр-Сұлтан қаласы бойынша филиалының баспасөз қызметі. 

Сондай-ақ 2020 жылғы 31 қазандағы жағдай бойынша, МӘМС үшін бірыңғай жиынтық төлем (БЖТ) негізінде түскен жарна 8,4 млн теңгені құрайды. Елордалық жұмыс берушілер мен жеке кәсіпкерлердің жүйе іске қосылған 2017 жылдың 1 шілдесі мен 2020 жылдың 31 қазан аралығында міндетті әлеуметтік медициналық сақтандыру үшін аударған жарналарының жалпы сомасы 52,4 млрд теңгені құрайды. 

Медициналық сақтандыру қоры пациенттер құқығын қорғайды. Сондықтан азаматтарды мобильді қосымшаларда өз деректерін тексеруге және сәйкессіздіктер анықталған жағдайда қордың елордалық филиалына хабарлау керек. Одан қалды 1406 телефонына немесе Qoldau 24/7 мобильді қосымшасы арқылы байланысуға болады.


Өзгелердің жаңалығы