Нұр-Сұлтан, BAQ.KZ. Орта салмақта жұдырықтасатын қазақстандық Мейірім Нұрсұлтанов (11-0, 8 КО) келесі жекпе-жегін 2 қарашада өткізеді, деп хабарлайды Vesti.kz.
25 жастағы Нұрсұлтанов Лас-Вегастағы MGM Grand аренасының бокс кешінде өнер көрсетеді. Бұл шоудың басты жекпе-жегінде Сергей Ковалев (34-3-1, 29 КО) және мексикалық Сауль "Канело" Альварес (52-1-2, 35 КО) жартылай ауыр салмақта ресейлікке тиесілі WBO белбеуі үшін жұдырықтасады.
Қазақ боксшының қарсыласы әзірге белгісіз.
Мейірім соңғы рет тамызда Челябіде Ковалевтің андеркартында жұдырықтасып, Артур Осиповті (15-2, 10 КО) жеңген.
Ковалев пен Нұрсұлтановтың ісін белгілі америкалық менеджер Эгис Климас және Main Events промоутерлік компаниясы жүргізеді.
