Бұл қызметке әркімнің келу тарихы әртүрлі. Бірі әке жолын қуған, енді бірі аға кеңесін тыңдаған. Бірақ, бәріне де ортақ бір дүние бар, ол – адамдарға қорған болу ниеті.
Қоғамда тәртіптің сақталуын қамтамасыз ету. Жәбір көрген жанға көмек көрсетіп, қылмыскерді ұстау. Қай-қайсысы да мұны бала кезден армандаған десек, артық емес. Ал, арманға қол жеткізу үшін, алдымен білімі мен физикалық дайындығы сай болып, арнаулы оқу орнын бітіру керек. Содан кейін ғана погон тағып, полиция қызметкері атана алады.
BAQ.KZ сайтындағы "Мен таңдаған мамандық" бағдарламасының кезекті саны полиция қызметкеріне арналады.
Осыған дейінгі шығарылым театр қызметкерлеріне арналды.
