Нұр-Сұлтан, BAQ.KZ. 2021 жылдың қаңтарында мемлекеттік бюджет 490,4 млрд теңге салықтық түсімдермен толықты, деп хабарлады ҚМ Мемлекеттік кірістер комитетінің баспасөз қызметі.
2021 жылғы қаңтар айындағы мемлекеттік бюджетке салықтық түсімдер жоспары 104,9%-ға, оның ішінде республикалық бюджет 88,0%-ға және жергілікті бюджет 137,0%-ға орындалды.
Есепті кезеңде мемлекеттік бюджетке түскен салықтық түсімдер 490,4 млрд теңгені құрады. 2020 жылға қарағанда 5,8%-ға (немесе 30,5 млрдтеңгеге) төмен. Оның ішінде республикалық бюджет 14,6%-ға (немесе 46,1 млрд теңгеге) төмендеді. Жергілікті бюджет 7,6%-ға (немесе 15,6 млрд теңгеге) өсті, - делінген комитет хабарламасында.
Республикалық салықтар бөлігінде республикалық бюджет жоспары орындалмауының ең көп сомасы ішкі өндіріс тауарларына қосылған құн салығы бойынша – 22,5 млрд теңге, корпоративті табыс салығы - 14,2 млрд теңге (90,5%) және үшінші елдерден импортқа қосылған құн салығы - 6,6 млрд теңге (86,8%).
Өткен жылдың ұқсас кезеңімен салыстырғанда төмендеудің ең жоғарғы сомасы мұнайға салынатын кедендік әкету бажына (7,5%-ға) тиесілі.
Кірістердің төмендеуіне бірнеше фактор әсер етті.
2020 жылдың ұқсас кезеңімен салыстырғанда мұнай бағасының 13,6%-ға төмендеуі байқалады.
Үшінші елдермен тауар айналымы 2021 жылдың қаңтарында 22,2%-ға төмендеді (экспорт 31,0%-ға төмендеді, импорт 1,2%-ға өсті).
2021 жылғы қаңтарда сату бойынша айналым 2020 жылмен салыстырғанда 13,8%-ға (6 415 млрд теңгеден 5 529 млрд теңгеден дейін) төмендеді.
Көрсетілген кезеңде бір салық төлеушіге онлайн бақылау-касса машиналарынан орташа түсімі 5,0%-ға (3,8 млн теңгеден 3,6 млн теңгеге дейін) төмендеді.
2021 жылғы қаңтар айында жергілікті бюджетке түсетін салықтық түсімдер жоспары 59,8 млрд теңгеге артық орындалып, 137,0%-ды құрады.
Жергілікті бюджетке салықтық түсімдер 221,5 млрд теңгені құрады. 2020 жылғы қаңтар айымен салыстырғанда 7,6%-ға (немесе 15,6 млрд теңгеге) өсті.
