Тоқаев кардиохирургия орталығының дамуына қолдау көрсететінін айтты

8 Тамыз 2019, 13:01
2232
Бөлісу:
Тоқаев кардиохирургия орталығының дамуына қолдау көрсететінін айтты

Нұр-Сұлтан, BAQ.KZ. Қасым-Жомарт Тоқаев «Ұлттық ғылыми кардиохирургия орталығы» АҚ басқарма төрағасы Юрий Пяны қабылдады, деп хабарлады Ақорданың ресми сайты.

Мемлекет басшысына орталықтың ағымдағы жұмыс нәтижелері мен жетістіктері, алдағы даму мүмкіндіктері жөнінде мәлімет берілді.

Атап айтқанда, Юрий Пя президентке жұмыс істеп тұрған орталықтың негізінде ірі ғылыми-зерттеу және білім беру мекемесін құру жоспары туралы айтты. Аталған жоба халықаралық серіктестермен бірлесе отырып жүзеге асырылады.

Қазақстан президенті орталықтың дамуына ұдайы қолдау көрсететінін айтып, еліміздегі медициналық қызметтердің сапасын арттырып, қолжетімді ете түсудің өте маңызды екенін атап өтті.



Өзгелердің жаңалығы