Мемлекет басшысы БАӘ Президентімен телефон арқылы сөйлесті

4 Ақпан 2023, 21:51
1256
Бөлісу:
Мемлекет басшысы БАӘ Президентімен телефон арқылы сөйлесті
Фото: Ақорда

Мемлекет басшысы БАӘ Президенті шейх Мұхаммед бен Заид Әл Нахаянмен телефон арқылы сөйлесті, деп хабарлайды BAQ.KZ.

Бұл туралы Ақорданың ресми сайты мәлімдейді.

Мемлекет басшысы Қасым-Жомарт Тоқаев Біріккен Араб Әмірліктерінің Президенті шейх Мұхаммед бен Заид Әл Нахаянмен телефон арқылы сөйлесті. Тараптар екіжақты ынтымақтастықты нығайту перспективаларын талқылады, соның ішінде сауда-экономикалық және инвестициялық салалардағы қатынастарды нығайтуға баса мән берді. 

Осы ретте Қазақстан Президентінің жақында Біріккен Араб Әмірліктеріне ресми сапары кезінде қол жеткізілген уағдаластықтарды тиімді жүзеге асырудың маңыздылығы атап өтілді. 

Екі ел басшылары саяси диалогты одан әрі кеңейтуге, сауда-саттық байланыстарды жандандыруға және экономиканың түрлі секторларында бірлескен жобаларды жүзеге асыруға өзара ниетті екенін растады.

Өзгелердің жаңалығы