Мелони Тоқаевтың құттықтауынан кейін Қазақстан туралы мәлімдеме жасады

Италия премьер-министрі Джорджа Мелони Қазақстан Президенті Қасым-Жомарт Тоқаевқа өз үкіметінің тарихи жетістігіне орай жолдаған құттықтауы үшін алғыс айтты.

Мелони X әлеуметтік желісінде Тоқаевтың екі ел арасындағы қарым-қатынасты дамытуға қосқан үлесін атап өтті.

Президент Тоқаев, жылы лебізіңіз бен кездесулерімізге әрдайым тән болған шынайы достық үшін рахмет, – деп жазды Италия премьер-министрі.

Мелони болашаққа бағдар ұстайтын көшбасшымен бірге жұмыс істеудің өзі үшін маңызды екенін атап өтті.

Біз Италия мен Қазақстан арасындағы қарым-қатынасты бірге нығайтып, энергетикадан бастап аса маңызды минералдарға, университеттер арасындағы ынтымақтастыққа дейін жаңа әрі стратегиялық мүмкіндіктерге жол ашып келеміз, – деді ол.

Италия премьер-министрі Рим мен Астана екі елдің өсіп-өркендеуі үшін ынтымақтастықты жалғастыруға ниетті екенін айтты.

Бұған дейін Тоқаев Мелониді оның үкіметі Италия Республикасы тарихындағы ең ұзақ жұмыс істеген үкімет атануымен құттықтаған еді. 4 қыркүйекте Мелони басқаратын Министрлер кабинеті үзіліссіз 1413 күн жұмыс істеп, Сильвио Берлусконидің екінші үкіметінің көрсеткішінен асып түсті.