Мәжіліс қабырғасында Қаңтар оқиғасына арналған көрме ұйымдастырылды, деп жазады BAQ.KZ тілшісі.
Көрмеге оқиға кезінде ұрланған 170-ке жуық қарулар қойылған.
Мәжілістің фойесінде қаңтар оқиғасы кезінде тәркіленген қарулардың бір бөлігі қойылған көрме өтіп жатыр. Оның саны шамамен 170.
Көрмеге қойылған экспонаттардың қатарында газ травматикалық пистолеттер бар.
Бұл - жасырынған жерлерден табылған қарулар. Мысалы, аңшыларға арналған дүкеннен ұрланған қарулар. Шолақ мылтық та қару бар. Ол аңшылық қарудан өзгертіліп жасалған, - деді ІІМ Жедел криминалистика департаментінің аға криминалисі Алмас Далабаев.
.JPG)
Көрмеден қарудан басқа полиция қызметкерлерінің жарақат алған шит, каскалары, шынтаққа арналған киім де қойылған.
Қаңтар оқиғасы кезінде бүлікшілер полицейлердің каскаларын, шиттерін тартып алып, оларды ешқандай қарусыз қалдырды. Бұл экспонаттар құқық қорғау органдары қызметкерлерінің шынтаққа, басына киетін киімдері. Мына экспонаттарды қарасаңыз, жаппай соққыға жығылғаннан кейінгі жағдайы. Қазіргі таңда бұл киімнің иесі ауруханада әлі ем қабылдап жатыр. Бір жылдан астам уақыт болды. Оққа төтеп берілген шиттерді де көре аласыздар, - деп түсіндірді ІІМ Тергеу департаментінің аса маңызды істер аға анықтаушысы Жеңіс Жақсылықов Мәжілістің фойесінде.
Сөзінше, арнайы жасаққа тиесілі каска қойылған. Ол Алматы қаласының арнайы жасақ қызметіне тиесілі. Ол бір жылдан бері ауруханада ем қабылдап жатыр.
