Нұр-Сұлтан, BAQ.KZ тілшісі. Экология, геология және табиғи ресурстар министрі Серікқали Брекешев Мәжілістің жалпы отырысында «Өсімдіктер дүниесі туралы» Қазақстан Республикасы заңының жобасын таныстырды.
Қазіргі уақытта өсімдіктер дүниесін пайдалануды реттеуге байланысты жекелеген нормалар Қазақстан Республикасының Орман, Экология, Жер, Су, Кәсіпкерлік кодекстерін, «Қазақстан Республикасындағы сәулет, қала құрылысы және құрылыс қызметі туралы» және «Ерекше қорғалатын табиғи аумақтар туралы» Қазақстан Республикасының заңдарын қамтиды.Осыған байланысты «Өсімдіктер дүниесі туралы» арнайы заңды қабылдау қажеттілігі бар, ол Қазақстан тарапы кіретін халықаралық конвенциялардың ережелеріне де негізделген, - деді Брекешев.
Ол атағандай, заң жобасын әзірлеу кезінде халықаралық тәжірибе ескерілді.
«Өсімдіктер дүниесі туралы» заң жобасының ережелері ауыл шаруашылығы өсімдіктеріне және үй маңындағы бау-бақша, саяжай нысандарының учаскелеріндегі өсімдіктер дүниесіне қолданылмайды. Заң жобасында өсімдіктер дүниесіне мемлекеттік мониторинг және кадастр тәртібі айқындалады. Бұл республиканың барлық аумағында өсімдік ресурстарының есебін жүргізуге, олардың сандық және сапалық ресурстарына талдау жасауға, сондай-ақ өсімдіктердің дүниесі объектілерін экономикалық бағалауға мүмкіндік береді, - деді министр.
Брекешев атағандай, заң жобасында өсімдіктер дүниесі объектілерін интродукциялауға және будандастыруға қойылатын талаптар, сондай-ақ табиғи өсімдіктер қоғамдастығына қатер төндіретін өсімдіктердің бөтен текті түрлерін енгізуге тыйым салу белгіленеді.
Мемлекеттік органдар мен қоғамдық ұйымдар жүзеге асыратын мемлекеттік және қоғамдық бақылау институттары енгізіліп жатыр. Заң жобасының негізгі жаңалығы өсімдік әлемінің жекелеген түрлерінің айналысы саласында хабарлама жасау тәртібін белгілеу. Бұл отандық кәсіпкерлік субъектілерінің фармацевтикалық, азық-түлік және техникалық өнімдерді өндіру үшін өсімдік ресурстарын заңды негізде ұтымды пайдалану мүмкіндігіне ие болатынын білдіреді. Бұл шара шағын және орта бизнесті дамытуға, осы салаға инвестициялар тартуға, сондай-ақ бизнес субъектілерінің өсімдіктер дүниесін арнайы пайдаланғаны үшін төлемақы енгізуі есебінен мемлекеттік бюджеттің кірістерін ұлғайтуға мүмкіндік береді, - деді ол.
