Мәжілістің жалпы отырысында депутаттар бірнеше заң жобасын жұмысқа қабылдады, деп хабарлайды BAQ.KZ тілшісі.
Алғашқы жұмысқа қабылданған құжат - «2010 жылғы 9 желтоқсандағы Қазақстан Республикасының Үкіметі мен Ресей Федерациясының Үкіметі арасындағы Қазақстан Республикасына мұнай және мұнай өнімдерін жеткізу саласындағы сауда-экономикалық ынтымақтастық туралы келісімге өзгеріс енгізу туралы хаттаманы ратификациялау туралы» заң жобасы.
Экология мәселелері және табиғат пайдалану комитетінің төрағасы Еділ Жаңбыршиннің айтуынша, бұл хаттама Ресейдің мұнай өнімдерін ҚР-ға жеткізу кезінде уақытша мерзімді кедендік декларациялауды қолдан алып тастауға бағытталған.
Сонымен қатар заңнама және сот-құқықтық реформа комитетінің төрағасы Снежанна Имашева екі заң жұмысын жұмысқа қабылдауға дайын екенін айтты.
Олар:
- «Қазақстан Республикасы мен Кипр Республикасы арасындағы ұстап беру туралы шартты ратификациялау туралы» заң жобасы;
- «Қазақстан Республикасы мен Кипр Республикасы арасындағы қылмыстық істер бойынша құқықтық көмек туралы шартты ратификациялау туралы» заң жобасы.
