Құрғақшылықтан зардап шеккен батыс өңіріне 177 вагон шөп жеткізілді

Құрғақшылықтан зардап шеккен батыс өңіріне 177 вагон шөп жеткізілді
2003

Нұр-Сұлтан, BAQ.KZ. ҚТЖ 177 вагон шөпті еліміздің құрғақшылықтан зардап шеккен батыс өңіріне жеткізіп берді.

Бұл туралы «Қазақстан темір жолы» ҰК» АҚ баспасөз қызметі хабарлады. 

2021 жылғы шілдеде және тамыздың 9 күнінде Маңғыстау облысына престелген шөбі бар 177 вагон жеткізілді. Жүк жөнелтушілер өтінімдері бойынша тамыз айына тасымалдауға тағы 164 вагонды тиеу жоспарланған.

Пішен Атбасар, Арқалық, Қарағанды, Шелек, Тараз, Шу, Сарыағаш, Арыс, Орал, Шымкент және т.б. станциялардан жөнелтіледі. Жеткізілетін станциялар – Маңғыстау, Өзен, Шетпе, Бейнеу, Сексеуіл және басқалары. Негізінен шөп «ҚТЖ» ҰК» АҚ еншілес кәсіпорны – «Қазтеміртранс» АҚ меншігіндегі вагондарға тиеледі.


Фото: ашық дереккөз