КҚК терминалындағы «дронға қатысты оқиғаға» Энергетика министрлігі түсініктеме берді

Тексеруден кейін терминалда мұнай тиеу жұмыстары штаттық режимде қайта жалғасты.

10 Қыркүйек 2026, 08:08

БӨЛІСУ

АВТОР

Шолпан Аманғали

Қысқа да нұсқа. Жазылыңыз telegram - ға

10 Қыркүйек 2026, 08:08

213

Фото: Каспий құбыр консорциумы

Энергетика министрлігі КҚК теңіз терминалында ұшқышсыз ұшу аппаратына қатысты оқиғадан кейін мұнай тиеу жұмыстары уақытша тоқтатылғанын хабарлады.

Оқиға 2026 жылғы 8 қыркүйекте КҚК терминалының маңында болған. Осыған байланысты ВПУ-3 және ВПУ-2 құрылғыларының жұмысы тоқтатылды.

КҚК-ның жүк тиеу жүйелері мен танкерлердің жағдайына қажетті тексерулер жүргізілгеннен кейін тиеу жұмыстарын одан әрі жалғастыруға кедергі келтіретін ескертулер анықталған жоқ. Қоршаған ортаға әсер ету фактілері тіркелмеді, – деп мәлімдеді Энергетика министрлігінің баспасөз қызметі.

Тексеруден кейін мұнай тиеу жұмыстары штаттық режимде қайта жалғасты. Қазақстандық жүк жөнелтушілерден мұнай қабылдауға ешқандай шектеу енгізілген жоқ.