Нұр-Сұлтан, BAQ.KZ. ҚР ДСМ баспасөз қызметі 18 қарашада тіркелген коронавирустық инфекциямен ауырғандарға қатысты ақпаратты таратты.
Министрліктің мәліметінше, қазіргі уақытта коронавирустық инфекциядан 9 541 адам ем қабылдауды жалғастыруда. Олардың арасында 468 бала бар. Стационарларда 2 991 науқас жатыр. 6 550 адам амбулаториялық жағдайда емделуде.
Жалпы науқастардың арасында 227 адамның ахуалы нашар. Соның ішінде 24 науқастың ахуалы аса қатты ауыр деп бағалануда. 22 науқас өкпені жасанды желдету аппаратында жатыр. 7 науқас қайтыс болды - делінген таратылған ақпаратта.
