1 шілдеден бастап елордадағы кейбір коммуналдық қызметтердің тарифі өзгерді, деп хабарлайды BAQ.KZ Астана әкімдігінің ресми сайтына сілтеме жасап.
Бұл туралы толығырақ онлайн брифингте Астана қаласы бойынша Табиғи монополияларды реттеу комитеті департаментінің басшысы Қанат Құлназаров пен қаланың отын-энергетикалық кешені және коммуналдық шаруашылық басқармасы басшысының орынбасары Бағдат Байсадықов айтып берді.
Мемлекет басшысының «Тарифті инвестицияға айырбастау» қағидаты бойынша тарифтік саясатты жетілдіру және халықтың табысы мен әл-ауқатын арттыру жөніндегі тапсырмасын орындау шеңберінде 2022 жылғы 30 желтоқсанда «Табиғи монополиялар туралы» Заңға өзгерістер енгізу туралы Заң қабылданды, онда бірқатар жаңалық белгіленді.
Заңнамадағы соңғы өзгерістерге сәйкес табиғи монополиялар субъектілерінің тарифті оның қолданылу мерзімі аяқталғанға дейін түзетуге уәкілетті органға өтінім беруінің негіздері толықтырылды.
Бүгінгі таңда Департамент ағымдағы жылдың 1 тамызынан бастап енгізілетін жылу энергиясымен жабдықтау тарифін қоспағанда, 2023 жылдың 1 шілдесінен бастап жүргізілген барлық базалық ТМС бойынша тарифтерге түзетулер бекітті.
Сумен жабдықтау
Астана қаласында сумен жабдықтау және су бұру саласында «Астана Су Арнасы» ШЖҚ МКК(шаруа жүргізу құқығындағы мемлекеттік коммуналдық кәсіпорны) қызмет көрсетеді.
Субъектінің бекітілген тарифтері шеңберінде мыналар көзделген:
- су бұру желілерін реконструкциялауға және жөндеуге, жабдықтар мен арнайы техниканы жаңартуға 1,2 млрд. теңге сомасына қосымша инвестициялар;
- «Астана Су Арнасы» МКК үшін стратегиялық тауар болып табылатын электр энергиясына шығыстарды ұлғайту;
- кәсіпорын қызметкерлерінің орташа айлық атаулы жалақысын ұлғайту.
Сонымен жоғарыда аталған факторларды ескере отырып, сумен жабдықтау мен су бұрудың орташа тарифі тиісінше 17 және 16%-ға түзетілді. Халық үшін тариф сумен жабдықтау бойынша 10 теңгеге өзгертілді, 1 м3 үшін 48 теңгеден 58 теңгеге дейін және су бұру бойынша 1 м3 үшін 7,5 теңгеге 37,8 теңгеден 45,3 теңгеге дейін өзгертілді.
Бұл ретте кәсіпорын сумен жабдықтау бойынша тарифті 20,7 теңгеге немесе 43%-ға, су бұру бойынша 14 теңгеге немесе 37%-ға ұлғайту туралы мәлімдеген болатын.
Жылумен жабдықтау
Жылумен жабдықтау саласында 3 ТМС қызмет көрсетеді. Бұл «Астана-Энергия» АҚ - жылу энергиясын өндіру, «Астана-Теплотранзит» АҚ - жылу энергиясын беру және бөлу, «Астанаэнергосбыт» ЖШС - жылу энергиясымен жабдықтау.
«Астана-Энергия» АҚ тарифі еңбек ақы төлеуге жұмсалатын шығыстардың 892 млн теңгеге, жылу өндіру көлемінің 31%-ға (2,1 млн Гкал) ұлғаюына және стратегиялық тауарлардың қымбаттауына байланысты стратегиялық тауарларды (газ, көмір, мазут) сатып алуға жұмсалатын шығыстардың 5,8 млрд теңгеге ұлғаюына байланысты түзетілді. Тарифтің өзгеруі Гкал үшін 1 837,2 теңгеден 2 261,5 теңгеге дейін 23% құрады.
«Астана-Теплотранзит» АҚ тарифі сондай-ақ еңбекақы төлеуге жұмсалатын шығыстардың 631 млн теңгеге, электр энергиясына жұмсалатын шығыстардың 359 млн теңгеге ұлғаюы, ЖАО-дан балансқа жаңадан қабылданған желілерді ұстауға жұмсалатын шығыстардың 180 млн теңгеге ұлғаюы, сондай-ақ желілерді жөндеуге және реконструкциялауға 1,1 млрд теңге сомаға қосымша инвестициялар ескеріле отырып түзетілді. Тарифтің өзгеруі бір Гкал үшін 230,4 теңгені 1 236,5 теңгеден 1 466,8 теңгеге дейін құрады. Бұл ретте, кәсіпорын тарифті 1276,5 теңгеге немесе 103%-ға ұлғайту туралы мәлімдеген болатын.
«Астанаэнергосбыт» ЖШС-нің жылу энергиясымен жабдықтау үшін тарифі еңбекақы төлеуге жұмсалатын шығыстардың 180 млн теңгеге, стратегиялық тауарға жұмсалатын шығыстардың, яғни жылу энергиясын сатып алуға жұмсалатын шығыстардың 4 млрд теңгеге, жылу энергиясын бөлуге жұмсалатын шығыстардың 2,5 млрд теңгеге ұлғаюы ескеріле отырып түзетілді. Жылу энергиясы халық үшін тарифтің өзгеруі 20%-ды құрады.
Электр энергиясымен жабдықтау
Электрмен жабдықтау саласында Департаментпен реттелетін 2 субъект қызмет көрсетеді, олар «Астана – АЭК» АҚ және «Астанаэнергосбыт» ЖШС.
«Астана – АЭК» АҚ тарифі сатып алынған электр энергиясы құнының 32,7 млн теңгеге, еңбекақы төлеуге жұмсалатын шығыстардың 1,6 млрд теңгеге, ЖАО кәсіпорын балансына берген желілерді ұстауға жұмсалатын шығыстардың 98,7 млн теңгеге ұлғаюына байланысты түзетілді. Тарифтің өзгеруі 6,14 теңге немесе 29,5% мәлімделген өсімнен, квт/сағ үшін 4,74 теңгеден 5,38 теңгеге дейін 64 тиынды құрады.
Электр энергиясын жабдықтағаны үшін «Астанаэнергосбыт» ЖШС тарифі энергия көздері мен энергия беруші ұйымдардың тарифтерінің өсуіне байланысты түзетілді. Сонымен қатар, өсім еңбек шығындарының өсуіне байланысты.
Орташа тарифтің өзгеруі квт/сағ үшін 20,4 теңгеден 23,1 теңгеге дейін 2,7 теңгені құрады, мәлімделген өсу 27,1 теңгеге дейін, халық үшін тариф квт/сағ үшін 14,7 теңгеден 17,2 теңгеге дейін 2,5 теңгеге өзгерді, мәлімделген өсу 19,2 теңге кВт/сағ.
Елорда тарифтер деңгейі коммуналдық қызметтерге арналған орташа республикалық тарифтерден төмен
Қабылданатын шешімдердің ашықтығы мен жариялылығын қамтамасыз ету мақсатында Департаментпен тариф белгілеу мәселелері жөніндегі өңірлік комиссияның отырыстары және инвестициялық бағдарламалар мен ұсынылатын ТМС тарифтік сметаларының өзгерістерін талқылау бойынша жария тыңдаулар өткізілді.
Департамент барлық шешімді субъектілердің өтінімдерін мұқият талдағаннан кейін, сондай-ақ өңірлік комиссия мүшелерінің және көпшілік тыңдауға қатысушылардың пікірлері мен ұсыныстарын ескере отырып қабылдады.
Тарифтердің түзетілуіне қарамастан, елордалық субъектілер тарифтерінің деңгейі коммуналдық қызметтерге арналған орташа республикалық тарифтерден төмен болады.
Мысалы, Қарағанды қаласында жылу энергиясына тариф 3 776 теңге/Гкал, ал Астанада 2 765 теңге/Гкал (27% - ға немесе 1 011 теңгеге төмен) құрайды. Қарағандыдағы судың құны 120,72 теңге/м3, бізде 58,15 теңге/м3 (52% - ға немесе 63 теңгеге/м3 төмен).
Жаңа тарифтерді ескере отырып, 2 бөлмелі пәтерге сумен жабдықтау және кәріз үшін түбіртек бойынша орташа чек (20 м3) шамамен 300 теңгеге
(1 448 теңгеден 1 748 теңгеге дейін немесе 20%-ға), жылумен жабдықтау бойынша 650 теңгеге, электрмен жабдықтау бойынша 400 теңгеге өседі.
