Қазақстанның авиациялық әкімшілігі Төтенше жағдайлар министрлігінің қолдауымен Көкшетау қаласында іздестіру-құтқару операцияларын ұйымдастыру және жүргізу бойынша оқу-жаттығулар өткізді, деп хабарлайды BAQ.KZ.
Оқу-жаттығуға Ақмола ауданында іздестіру және құтқару кезекшілікті жүзеге асыратын «Қазавиақұтқару» АҚ экипажы мен өкілдері, Көкшетау қаласындағы «Қазаэронавигация» РМК филиалының іздестіру және құтқару үйлестіру орталығы мен әуе қозғалысына қызмет көрсету қызметі, Ақмола облысы ТЖД жерүсті іздестіру-құтқару күштері, сондай-ақ Көкшетау қаласы әуеайлағының авариялық-құтқару командасы қатысты.
Оқу-жаттығу аңызы бойынша Көкшетау әуеайлағының ауданында шартты түрде апатқа ұшыраған жеңіл әуе кемесі экипажының іздестіру-құтқару операциясын жүргізу элементтері пысықталды.
Іс-шара барысында іздестіру-құтқару операцияларын жүргізу кезінде өзара іс-қимыл әдістемесі, апатқа ұшыраған әуе кемесін іздеу әдістері, іздестіру-құтқару кемесін қонуға арналған алаңдарды іріктеу және оқиға орнынан зардап шеккендерді эвакуациялау пысықталды.
Ақмола облысы ТЖД іздестіру-құтқару жасағының құтқарушыларымен бірге «Қазавиақұтқару» АҚ-ның Ми-8 кезекші тікұшағы, оның ішінде кинологиялық есеп, сондай-ақ Ақмола облысы ТЖД жерүсті күштері мен құралдары жұмылдырылды. Оқу-жаттығу кезінде іздестіру-құтқару тікұшағы экипажының зардап шеккендердің саны мен жай-күйі туралы ақпаратты толық түсінуіне ықпал ететін арнайы белгілер қолданылды.
Іздеу-құтқару операциясы сәтті аяқталды. Ауа райының қолайсыздығына қарамастан, әуе кемесінің шартты апат орны апат сатысы жарияланған сәттен бастап екі сағат ішінде табылды. Шартты түрде зардап шеккен адамды эвакуациялау шартты түрде зардап шеккен адамды тасымалдауды медициналық қамтамасыз ету элементтерін пысықтай отырып, ұшу әуеайлағына жүргізілді.
Оқу-жаттығу нәтижелері Қазақстан Республикасының аумағында ұшуды іздестіру-құтқару қамтамасыз етуге тартылған барлық іздестіру-құтқару күштері мен құралдарының кезекшісінің өзара іс-қимылының жоғары деңгейін куәландырады. Нәтижесінде шеберлікті арттыру үшін жаттығуларды үнемі өткізу қажеттілігі атап өтілді.
Жалпы, мұндай оқу-жаттығулар Халықаралық азаматтық авиация туралы конвенцияға «Іздеу және Құтқару» 12 Қосымшасының негізінде құрылған ұшуларды іздестіру-құтқару қамтамасыз етудің ұлттық жүйесінің элементі болып табылады. Жүйе мемлекеттік басқару органдарының (қорғаныс, төтенше жағдайлар және азаматтық авиация) және тартылатын іздестіру-құтқару күштері мен түрлі ұйымдардың құралдарының өзара іс-қимылының арқасында жұмыс істейді.
Жүйенің мақсаты апатқа ұшыраған әуе кемелерінің жолаушылары мен экипажын құтқару бойынша авиациялық оқиғалар мен апаттар болған жағдайда жедел ден қою шараларын («алтын сағат» ережесі) қабылдау болып табылады. Ол үшін еліміздің барлық аумағында іздестіру-құтқару операцияларын жүргізудің жедел өңірлік жоспарлары әзірленді, әуеайлақтарда кезекші іздестіру-құтқару әуе кемелері мен іс-қимылдары республикалық деңгейде үйлестірілетін авариялық-құтқару командалары орналастырылды.
