Нұр-Сұлтан, BAQ.KZ тілшісі. Бұл туралы ҚР Президенті жанындағы Орталық коммуникациялар қызметінің алаңында өткен баспасөз мәжілісі барысында Ақпарат және қоғамдық даму вице-министрі Болат Тілепов хабарлады. Оның айтуынша, аса маңызды мәселелер бойынша қоғамдық тыңдаулар өткізілген.
Сумен жабдықтау, санитарлық-эпидемиологиялық жағдайды жақсарту, Мемлекеттік қызмет көрсету сапасы сынды мәселелер бойынша 202 қоғамдық тыңдау ұйымдастырылды. Соның қорытындысы бойынша мемлекеттік органдарға пәрменді шаралар қабылдау үшін 231 ұсыным жіберілді. Түрлі деңгейдегі 200 әкімнің, орталық және 200-ден астам жергілікті мемлекеттік органдардың 18 басшысының есептері тыңдалды, - деді вице-министр.
Сондай-ақ қоғамдық кеңестер мониторг те жүргізілген көрінеді.
Кеңестер қоғамдық көлік жұмысы, су құбыры құбырларының жағдайы, тұрғын үй құрылысы, жолдарды жөндеу, ПИК қызметі, бірінші қажеттіліктегі тауарлар бағасының мониторингі сияқты мәселелердің қоғамдық мониторингі енгізілді. Қоғамдық мониторинг шеңберінде 695 зерттеу жүргізілді. Қоғамдық көлік жұмысы, дәрі-дәрмек және бірінші кезекте қажетті тауарлар бағасы, тұрғын үй құрылысы бойынша 346 ұсыным қабылданды, - деп атап өтті Болат Тілепов.
Еске сала кетейік, бұған дейін Заң бойынша қоғамдық кеңестердің өкілеттілігі кеңейтілгені туралы жазған болатынбыз.
