Нұр-Сұлтан, BAQ.KZ. Ғалымның айтуынша, вакцинация COVID-19-дан 100 пайыз қорғамайды.
Дене температурам 39 градус болып, өкпенің 35%-ы зақымданған мені алдымен «Халық аренаға» жатқызды, одан кейін Алматы қаласы ДСБ «Фтизиопульмонология орталығына» ауыстырды, - деп жазды Қайсар Табынов өзінің Facebook-тегі парақшасында.
Ғалымның айтуынша, вакцинация COVID-19-дан 100 пайыз қорғамайды.
Жақсырақ қорғау үшін бізге жиі вакцинацияланып, вакциналар құрамын өзектендіруге тура келеді, - дейді Қайсар Табынов.
Ол 10 ай бұрын австралиялық өндірістің COVAX-19 қосалқы вакцинасымен, сондай-ақ өзі жасаған NARUVAX-C19/Nano интраназальды вакцинасын салғанын жазды.
Қазір менің ауруымның себебін анықтап жатырмыз, олар мені «бір аунап-тұрғызған» вирусты анықтады, біз оны зерттейміз. Ол бізге вакциналық формуляцияны жетілдіруге көмектеседі, - деді ғалым.
Оның айтуынша, біздің дәрігерлер көп жағдайда COVID-19 емдеуді үйренген.
Қарт адамдарды аяғына тік тұрғызған кездері болды. Мен үшін Favipiravir вирусқа қарсы препаратын қолдану біршама күмәнді болды. Ол вирустық жүктемені азайтты ма ол туралы айта алмаймын. Бірақ ол менің бауырыма жақсы «соққы» берді. Менің ауруым туралы білген австралиялық әріптестер бірден SARS-CoV-2 вирусының үш нүктесіне соққы беретін қарапайым антипаразитті ивермектинді қолдануды ұсынды. Мен оны ешқашан қолданбағанмын, бірақ оны In Vitro жағдайында сынап көру керек, - деп жазды ғалым.
Ол сондай-ақ вакцина алып, өзін енді ешқандай вируспен ауырмайтындай сезінетін адамдарға, вакцина алған күннің өзінде қоғамдық орындарда бетперде киіп жүруге кеңес айтты.
Коммерциялық қолжетімді вакциналардың ешқайсысы вакцинацияланған адамдар арасында вирустың трансмиссиясын толық қорғанышты қамтамасыз етпейді, яғни вакцинацияланған кезде де сіз вирусты жұқтыра аласыз (бірақ ауырмауыңыз мүмкін) және тарата аласыз, - деп атап өтті Табынов.
Ол сондай-ақ өзі басқарған орталық австралиялық серіктестермен бірге жануарларға жүргізген тәжірибелерде тек толық қорғауды ғана емес, сонымен қатар вакциналанған жануарлардың SARS-CoV-2 инфекциясын жұқтырғаннан кейін, олардың вирусты таратуға 100% тосқауыл бола алатын вакцина алғанын хабарлады.
Жаңа вакцина Қазақ аграрлық университеті жанындағы Халықаралық вакцина орталығында жасалған. Ол қазір клиникаға дейінгі тестілеуден өтіп жатыр. Жобаны Қайсар Табынов басқарады.
Нановакцинаның ерекшелігі - ол денеге бұлшықет арқылы енгізілмейді, мұрынға тамызылады. Бұл препараттың қауіпсіздігі мен тиімділігін арттырады, өйткені ол мұрын-жұтқыншақтағы коронавирусты жояды, шырышты қабықты қорғайды және оның қанға түсуіне жол бермейді.
Естеріңізге сала кетейік, қазақстандық ғалым коронавирусқа қарсы вакцина қабылдағаны туралы жазған болатынбыз.
