Нұр-Сұлтан, BAQ.KZ. Қазақстан Республикасы Президентінің көмекшісі Ерлан Қарин өзінің Facebook парақшасында Қазақстандағы каратэ қозғалысының негізін қалаушылардың бірі Жасталап Санауовтың дүниеден өтуіне орай туған-туыстарына көңіл айтты.
Өкінішке қарай, кетіп бара жатқан 2020 жыл біздің аға жолдасымыз, досымыз, көрнекті қазақстандық спортшы Жасталап Санауовты өзімен бірге алып кетті. Кеше мен бұл қорқынышты хабарға ұзақ уақыт сене алмадым. Достарымызға қоңырау шалып, біреу қателесуі мүмкін деп үміттеніп, қайта-қайта сұрадым. Бірақ, өкінішке қарай, ешкім қателескен жоқ, ол енді бізбен бірге емес, - деп жазды Ерлан Қарин.
Ол Жасталап Санауовтың қазақстандық каратэ қозғалысының негізін қалаушылардың бірі болғанын айтты.
Ол көп жылдар бойы Қазақстан Каратэ-до федерациясын басқарды, әлемге әйгілі «Jk Fan» каратэ журналының қазақстандық нұсқасын шығарды. Оның арқасында Қазақстанда беделді халықаралық турнирлер өткізілді. Санауов халықаралық каратэ қауымдастығында ерекше құрметке ие болды. Сондай-ақ, Дүниежүзілік Каратэ-до федерациясы Атқару комитетінің құрамына сайланған ТМД елдерінің бірінші және жалғыз өкілі болды, - деді Президент көмекшісі.
Қарин атағандай, осыдан бірнеше жыл бұрын, каратэ Токиодағы Олимпиада ойындарының бағдарламасына енгізілген болатын. Жасталап Санауов бұл оқиғаны күткенін және қазақстандық каратэші Олимпиада алтын алады деп армандағанын жазды.
Сондықтан ол үнемі жас спортшылардың ынта-жігері туралы қызықты әңгімелер айтатын. Олимпиада ойындары 2021 жылға ауыстырылған кезде, оның көңілі түскеніне қарамастан осындай оқиғаның болатынына қуанды. Енді ол мұның бәрін көре алмайтындығы қынжылтады. Әлі де көп нәрсе жасай алатын осындай белсенді, позитивті, мейірімді, жанашыр адамдардың өмірден кетіп жатқаны өте өкінішті, - деп жазды ол.
Сонымен қатар, Ерлан Қарин спортшыны осыдан бір ай бұрын федерация атынан мемлекеттік марапатқа ұсынбақ болғандарын айтты. Алайда Жасталап алғысын айтып, бас тартқанын, бірақ чемпиондарды дайындап жатқан өңірден келген жаттықтырушыларды атап өтуді сұрағанын еске алды.
Осылай ол бәріне қолдау көрсететін. Ол бір апта бұрын маған каратэ сабақтарын қайта бастауға кеңес беретінін жазды. Маған жаттығу жүйесін әзірлеп, неге көңіл бөлу керектігін айтып, нұсқаушыны, сабақ уақыты мен орнын анықтап берді. Ұзақ хат алмасудан кейін мен 9 қаңтарда жаңа жылдан кейін залға келетінімді жазып, бірге жаттығуға уәде бердім. Өкінішке қарай, енді бұл жоспарлар орындалмайды. Қош болыңыз, Жаке! Жасталап Санауовтың жақындары мен туыстарына, әріптестері мен достарына, оқушыларына көңіл айтамын! – деп жазды Ерлан Қарин.
Айта кетейік, каратэ-додан ХДСШ, қара белбеу иегері, КР-ның ЕСЖ-сы Жасталап Санауов 26.05.1966 жылы Алматы қаласында дүниеге келген. Ол Сәтбаев атындағы Ұлттық техникалық ун-тінде оқып жүрген жылдары ж-шы А. Гендриксинның басшылығымен каратэмен айналысқан. Республиканың бірнеше дүркін, КСРО-ның (1990-92), Азияның (1991), Еуропаның (1992 - Фр), Голландияның, Жапонияның чемпионыны. Кубок иелерінің Богомея кубогі (1992- Прага), Булодога кубогінің және басқа да көптеген ірі халықаралық турнирдің жеңімпазы. Шығыс жекпе-жектері Токио академиясының Қазақстандағы финалының атқарушы директоры.
