Қазақстанда сегіз колледж жабылды

12 Ақпан 2021, 15:36
2357
Бөлісу:
Қазақстанда сегіз колледж жабылды

Нұр-Сұлтан, BAQ.KZ. ҚР Білім және ғылым министрлігі 8 колледждің лицензиясын қайтарып алды. Осыған байланысты олардың қызметі толығымен тоқтатылды.

БҒМ Білім және ғылым саласында сапаны қамтамасыз ету комитеті оқу орындарының білім беру қызметіне мониторинг жүргізіп, тиісті материалдық-техникалық базасы жоқ колледждерді анықтады. Ол оқу орындарында сабақ жүргізілмеген немесе мектеп түлектері сол колледждерге (бірінші курсқа) оқуға түсуге қызығушылық танытпаған.

Мысалы, Көкшетау заң колледжі мен Талдықорған заң колледжінде білім алған студенттер түлек атанған соң, аталған оқу орындарының басшылығы лицензияларын өз еркімен қайтару туралы шешім қабылдады. Жалпы барлық жабылған колледж студенті басқа оқу орындарына уақытылы ауыстырылды және оқытушылары жұмыспен қамтамасыз етілді, - деп хабарлады министрліктің баспасөз қызметі.

БҒМ колледждердің білім беру қызметіне қатысты мониторинг жұмыстарын әлі де жалғастырады.

Өзгелердің жаңалығы