Нұр-Сұлтан, BAQ.KZ тілшісі. Бұл туралы Орталық коммуникациялар қызметінің алаңында өткен баспасөз конференциясы барысында Денсаулық сақтау вице-министрі Ажар Ғиният айтты.
Балалар арасында инфекцияны жұқтыру, әсіресе, соңғы айларда көбейген.
Вице-министрдің айтуынша, қазіргі күні 558 бала стационарлық ем қабылдап жатқан көрінеді.
Жаңа туған нәрестелердің арасында 13 сәби СOVID-19-бен ауырып жатыр. Соңғы айда ауру қарқыны 4,5 есеге артқанын байқап отырмыз. 4 бала ауыр халде жатыр. Олар Ақмола, Қызылорда, Жамбыл облыстары мен Нұр-Сұлтан қаласының тұрғындары, - деді Ажар Ғиният.Өкінішке қарай, індеттен балалардың қайтыс болу дерегі де тіркелген. Биыл 2 бала коронавирус инфекциясының құрбаны болған. Олардың бірі Солтүстік Қазақстан облысында орын алса, екінші жайт Нұр-Сұлтан қаласында тіркелген.
Естеріңізге сала кетейік, бұған дейін кейбір аурухананың коронавирус инфекциясын емдеу стационарларына айналуына байланысты елордалықтардың қай ауруханаларға жүгіне алатындықтары туралы жазған болатынбыз.
