Нұр-Сұлтан, BAQ.KZ тілшісі. Бүгін Үкімет отырысында ҚР Сауда және интеграция министрі Бақыт Сұлтанов электрондық коммерция туралы айтты.
Былтырғы жылы, тіпті интернет – дүкендерді ешқашан пайдаланбаған адамдар да электронды сауда опцияларын игере бастады. Кейбіреулері интернет арқылы өз тауарларын сатуға қойса, басқалары сатып ала бастады. Тек Қазақстанда ғана электрондық коммерция нарығы екі есе дерлік өсті (2019 жылға қарай өсім 90% -тен асты),- дейді Бақыт Сұлтанов.
Оның айтуынша, әлемде қарқын сәл төмен. Бірақ «қарапайым дүкендердің» виртуалды (онлайн) түрге өтудің жалпы тенденциясы айқын көрінеді.
Бізде Қазақстанда жақсы тауарлар өндіріледі. Басқа елдердің аналогтарымен бағасы / сапасы/талғамы бойынша бәсекеге қабілетті (өнеркәсіптік тауарлар туралы да, тұтыну тауарлар туралы да айтып отырмын). Электрондық сауда порталдары, әсіресе ірі халықаралық нарық алаңдары туралы сөз болғанда, өндірушілер үшін экспортты бастау алаңына айналады, ал басқалары үшін сатылымды ұлғайтуға мүмкіндік береді,- дейді министр.
Ол Сауда министрлігі экспорттаушыларға, соның ішінде осындай онлайн-базарларды игеруге барынша қолдау көрсететінін айтты.
Әрине, біз әрқайсысын қолмен жетелей алмаймыз. Бірақ біз онлайн сауда алаңдарына қалай кіруге және бәсекелесуге үйрете аламыз. Осы мақсатпен QazTrade-те арнайы бөлім құрылды. Біз Amazon және Rakuten сияқты әлемдік алпауыттардың алаңдарына өнім шығару бойынша кәсіпкерлерге арналған қадамдық нұсқаулықтарды әзірлеуді аяқтадық. Бизнесмендер үшін осы сауда алаңының тиімділігін де, тап болуы мүмкін ықтимал кедергілерді де барынша қол жетімді етіп жазуға тырыстық, - дейді Бақыт Сұлтанов.
Ол мысал ретінде Rakuten платформасында орыс тілді қолдау жоқ және комиссия алымдары жоғары екенін айтты.
Ал Amazon-да біздің еліміз әлі тексерілмеген, бұл логистиканы қиындатады. Қазір біз бұл мәселені шешіп жатырмыз.
Әрине, біз Alibaba-мен белсенді жұмыс істеудеміз. Екі жылдан бері компанияларға алтын шоттардың иелері болуға көмектескен болатынбыз. Бірінші кезеңнің кәсіпорындары (2020 жылы наурыз) 17 млн доллар өнімді экспорттай алды, екінші кезеңде - 230 мың долларды құрайтын экспорттық келісімшарттарға қол қойылды. Таяу уақытта біз үшінші кезеңге компанияларды іріктеу туралы жариялаймыз,- дейді ведомство басшысы.
