Нұр-Сұлтан, BAQ.KZ. 9 желтоқсан, сәрсенбі күні республиканың бес қаласында ауа сапасы нашарлауы мүмкін, деп хабарлайды «Қазгидромет» РМК.
«Қазгидромет» РМК-ның хабарлауынша, 9 желтоқсанда Ақтөбе, Шымкент, Қарағанды, Теміртау және Нұр-Сұлтан қалаларында қолайсыз метеожағдай қалыптасады.
Республиканың өзге шаһарларында ауаның ластануы күтілмейді.
Қолайсыз метеорологиялық жағдай – атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ кезінде елді мекендердегі атмосфералық ауаның сапасы нашарлауы ықтимал.
