Нұр-Сұлтан, BAQ.KZ. Алматыда Баян Алагөзованың жыл сайынғы "Қазақ аруы 2021" сұлулық байқауы өтті. Ақтөбелік 22 жастағы Аружан Аманжолова жеңімпаз атанды. Бұл туралы Баян Мақсатқызы Instagram-да жазды.
"Қазақ аруы 2021" байқауының жеңімпазы - 22 жастағы Аружан Аманжолова телеарнада жұмыс істейді, "Қайырлы таң, Ақтөбе!" бағдарламасын жүргізеді.
Аружан Аманжолова 22 жаста. «Ақтөбе ТВ» телеарнасында «Қайырлы таң, Ақтөбе!» бағдарламасын жүргізеді. Журналистикаға деген махаббатын телевизия ардагері Н.Иманғалиұлының «Бай-қуатты болайық» деген сөздері оятқан. Қоғамға айшықты ақпарат беріп, ұлтының жанашыры болуды кәсіби миссиясы, ал ұлтсүйер, ұлтына қызмет етер ұрпақ тәрбиелеуді өмірлік мақсаты деп біледі - деп жазды Баян Мақсатқызы.
Еске салайық, "Қазақ аруы 2020" атағының иегері Алматы облысынан келген 20 жастағы Нарқыз Айдарова болған еді. Тәжді оған 2019 жылдың жеңімпазы павлодарлық Сәния Темірханова табыстаған болатын.
